Teks Joged E Penguoso

JOGED E PENGUOSO

Eling-eling dhuh poro konco!

Seko leno ing sandiworo

Kang di jogedke penguoso

Bakal nyesep getih  iro

Lakon-lakonne nyihir iro

Mergo nylamur gebyare donyo

Demokrasi lan agomo

Memper Buto nyaplok manungso

                                                

Rojah-rajeh kahanan donyo

Rakyate negoro do nelongso

Dadi budhak e penguoso

Kang nyamun punggowo surgo

Brontak thukul ing kono-kono

Mledig janjine penguoso

                                                                          Kang do mrino lan nestopo

Krungkep corone odo-odo

 

Luweh mukti wong duwe karyo

Iso perwiro lan njogo projo

Nyumbang karyo ing negoro

Mikul drajade wong liyo

Luwih asor luwih ino

Kang tansah netek penguoso

Ngorupsi duite negoro

Ra ngroso wong liya sengsoro

                                                            

Eling-eling siro manungso

Mulo tansah o podho waskito

Ngudi ngelmu swijining coro

Kang migunani marang wong liyo

Eling-eling siro manungso

Ayo podho ngeker doso

Dhedhepe o Kang Moho Mulyo

Murih bejo nang ngalam baqo’

                                       

Koor :

Sing becik bakal ketitik

Sing ala bakal ketoro                       2x          

Nang donyo jo gawe doso

Mangko kowe biso ciloko